+ نوشته شده در جمعه هجدهم مرداد ۱۳۸۷ ساعت 20:13 توسط هارايلي
|
آتیم
استاد هوشنگ جعفری بیزیم میللی شاعیریمیز و اونون « آغ آتیم » شعری
آتیم
آغ آتیم ، قول قاناتیم ،
آت قدمین یورتمه یئری ! [1]
آش تپه لردن
سیلدیریم تک سره لردن
سئله سینمیش دره لردن
بو نه طوفاندی گؤزل کهلیگیمی ایستیر آییرسین فره لردن [2]
غیرتیم جوشه گلیر غملی خبردن
آغ آتیم – قورخما خطردن !
آغ آتیم قول ، قاناتیم ،
شیهه چک ، قوی سسیوه
بلکه یاتانلاردا اؤیانسین
یاتماغین واختی دگیل دروسون اوتانسین
یاتانین عؤمرو تالانسین
تازا نعلین وار آتیم
چال بو داغین سینه سینه ، قوی پارالانسین
+ نوشته شده در جمعه هجدهم مرداد ۱۳۸۷ ساعت 19:50 توسط هارايلي
|
آنا
گل اوشاقلیغیم تکین بیر، منی سال ایاغین اوسته
اوخو لای لایین یاتینجا، منی آل قوجاغین اوسته
آنا باشیوه دولانیم اوره گیم الولانیر گل
قورویان دوداقلاریم سال، بو گئجه دوداغین اوسته
ناخوشام بو غربت ایچره، بوغازیم شیشیب سو گئچمیر
اوماج آشینه داریخدی، اوره گیم اوجاغین اوسته
قارا گونلو بو بالاوین، داها گؤیلونو آلان یوخ
گل اوشاقلیغیم تکین بیر، منی سال ایاغین اوسته.
Pinar-1384
+ نوشته شده در جمعه هجدهم مرداد ۱۳۸۷ ساعت 19:21 توسط هارايلي
|
توپراق دان پای اولمازآذربايجانيم