بابک کیمی دور قوللارینی چیرمالا هئی هئی

 

تورک ائللرینی ییغماغا تونقال قالا هئی هئی

 

باش بولگو بولنر سیزی یاددان چیخادیبلار

 

حق المالی دیر دور یاپیشاق قول قولا هئی هئی

 

غم دیو کیمی دونیانی دوتوب اووجونا سیخدی

 

باس بارماغی سینسین بوغازین پارچالا هئی هئی

 

ای نسل نسیمی سیزه سوسماق کی یاراشماز

 

تورک اوغلو دئمز اخ!درسین سویسالا هئی هئی

 

آذربايجان اولدوزلاري ،

آذربايجان اولدوزلاري ،
شاعيره خانيم لار

1-نيگار رفيع بيگلي ( وفات 1359 )

كؤنلوم يئنه مين دردينه بير چاره تاپيلماز
بير درديمي عرضي ائله‌ين ، اول ياره تاپيلماز
آخشام قيزاران گؤيلره انديكده قارانليق
كؤنلوم ائويني يانديران اودلاره تاپيلماز
بيراينجه گولون ، بير چيچگين عاشيقي يم من
شرح ائله‌ين اول سيرريمي ديلداره ، تاپيلماز
چيخديم گئجه‌لر سئيرينه آهيسته او ماهين
گؤردوم اوره‌گيم تك آليشان ، ناره تاپيلماز
عاشيق لره سوردوم ، دئديلر : اي غمي پونهان
گيزلين يارادان آغريسي چوخ ياره ، تاپيلماز

2-نورانگيز گون

اورك سوسور ، دوداق سوسور
نه بير حمير ، نه بير نفس
قيميلدانمايير يارپاقلار
گئجه يالقيزليق لايلاسي دئيير
يوخلايير قول لاريندا مئه نسيمي
خاطيره لريمي يئلله ييرم بئشيگ كيمي
كيمه يوخموش ، بئشيگ بومبوش
كيمه سيزليك يئيير ايچيمي
اوره‌گيم ايكي بؤلونور
هر گون بئله جه ، ياواش ياواش هر شئي اؤلور
آرتيق اللريم ” او موقددس آيريليغين “ اللرينده دير
ال اله وئرميشيك اونونلا
او ، چيچك مندن چوخ آغير
من اونون توشوندا خيلي يونگول گلرم
چكيرمني
اويونو او آپاراجاق
نه فرقيمه ، آرتيق آيريليغا اؤيرنجلي يم
بيزكي چوخدان تانيشيق
ائله اول كي تك رنگي - روف سوپسولوق ...
خوش گلدين سون آيريليق !
آرتيق قورخوم يوخ
حؤكم سنين دير
آپار بير يوللوق !

3-مدينه گولگون

بير عؤمورم ، يازيم سن سن
بير نغمه‌يم ، سازيم سن سن
بير اوره‌گم ، آرزوم سن سن
هارا گئتسن آپار مني

بير چيچگم ، شئهيم سن سن
بير صؤحبتم ، نئييم سن سن
بير بولاغام ، مئهيم سن سن
هارا گئتسن آپار مني

بير لايلايام ، دونيام سن سن
بير جوت گؤزم ، رؤيام سن سن
بير سئوگي‌يم ، سئودام سن سن
هارا گئتسن آپار مني

بير اوجاغام ، اودوم سن سن
بير عونوانام ، آديم سن سن
بير قوشام ، قاناديم سن سن
هارا گئتسن آپار مني

گئنيش گؤيلر قوشا قالسين
آيريليق داغ - داشا قالسين
ايزلريميز قوشا قالسين
هارا گئتسن آپار مني
آپار مني ...

4-حيران خانيم

يارب ، كرم ائت ، اول بت مهياره قاييتسين
بير رحم ائلسين بو ديلي بيماره ، قاييتسين
بو ديل كي ، اونا منزيل ايدي ، اولدو خارابا
عزم ائتسه اگر يار ، دامي هارا قاييتسين ؟
شانه شانه چكيبن چين ائله ، سال اوزه زولفون
قوللاب كيمي اوجداري روخساره قاييتسين
مرغ دل زاريم يئنه آواره قاليپدير
زولفون خمين آچ ، تا كي بو آواره قاييتسين
گل رحم ائله قوي عاشيقي بير ياره يئتيشسين
عرضين ائله سين اول بت خونخاره قاييتسين
چون كؤوكب بختيم يئتيشيپ نحس مقاما
بير امر ائله تا ثابيت و سياره قاييتسين
عهد ائت ، ائدسن جانووي سن صيدق ايله قوربان
حيران ، يار اگر بير ده بو گولزاره قاييتسين

گومان

”حميده رئيس‌زاده“                                             

بلكه ده گلدين بير گئجه ،
بلكه ده آشدين بير آخشام
گؤروش زيروه لرين
بلكه ده دؤگدون ئيل بارماق لاريلا
سنسيزليك توزونا قويلانميش قاپيمي
بلكه ده دولدون بير گئجه
باخيش آينالارينا :
يادلانماز بير اؤزلوك كيمي
بلكه ده گلدين
اورگيمه سيغماز بير سئوينجين
اينامي تك
دويغو كيمي
گؤزلريمدن سوزولوپ
گئتمگيني دوشوندوم
بلكه ده گلدين بير گئجه
بلكه ده ...

 

سایین وطن داشیم سالاملارلا:
دئمک ایستردیم سیزین وبلاگینیز چوخ ائتگی له ییجی دی. دوغروداندا منه اوره کده ن یاپیشدی.
گئرچکده نده نیسگیل چرچی صیفت کیمسه لره اولسون کی آنا دیللرینین، تورپاقلارینین قدرینی بیلمه ییب اؤزگه لر قاپی سیندان چرچی سایاقی کیملیک دیله نیر لر
ساغ سالامات قالینیز

حورمتی دیلداش سیزین بو آراشدیرمانیز چوخ دیرلی دیر
ایشیزه داوام وئرین من اؤزوم ده ائتیمولوژی بیلیمینه چوخ ماراقیم وار
هله دیققت وئر سه نیز باشقا سوزلر ده تاپماق اولار کی تورکجه میزده ن فارسجایا گئچیب اؤرنک اوچون:
کودک=خؤده ک- کودکی که به همراه چوپان به صحرا می رود//توپ=توپلاماق فعلی- جمع شده// اؤرده ک =اردک کلمه ی اصیل ترکی// آغاز=آغیز و آغوز-دهان و شروع و اولین شیر حیوان یا انسان//سبک= چابوق-چابک چالاک از بن چاباماق-چابالاماق دست و پا زدن و کوشیدن// تلاش=تالاش-چالاش//قشون=ارتش//یورتمه=نوعی راه رفتن اسب-یورش و سایر موارد و هزاران مورد مشابه

یولوز گئده رلی